«Тәуелсіздік саған не берді, Сен тәуелсіздікке не бердің?»…

Кез кел­ген ел өзінің келешегін өскелең ұрпағымен бай­ла­ны­с­ты­ра­ды. Әр ұрпақтың пешенесіне жазылған за­ман ағымы, кезең ты­ны­сы бо­ла­ды. ХХІ ғасыр бүгінгі ұрпаққа бұйырған бақыт деп ой­лай­мыз. Ата-ба­ба­ла­ры­мыз болашақ ұрпақ үшін ақтық демі қалғанша күресіп, бізге егемендік алып берді. Қазақ да­ла­сы ата-ба­ба­ла­ры­мыз ғасырлар бойы ар­ман ет­кен және сол жол­да зор құрбандықтарға ду­шар бо­лып, өз тәуелсіздігін жеңіп ал­ды. Білімді, са­у­ат­ты аза­мат­тар – бұл ХХІ ғасырда адам­зат дамуының негізгі қозғаушы күші. Шын мәніндегі бақытты кезеңде өмір сүріп жатқан жастарға өзін та­ны­ту үшін мүмкіндіктер өте көп, бұл ту­ра­лы аға ұрпақ жастық жыл­дар­да ар­ман­дай ал­май­тын. Бүгінгі күн – та­лан­т­ты, жігерлі, өзіне сенетін, арманға бай және олар­ды жүзеге асыруға ерік-жігері бар жастардың уақыты. Бүгінгі таңда мем­ле­кет жас­тар үшін барлық жағдайды жа­сап отыр. “Жастық шақ — бұл та­ма­ша нәрсе; оны рәсуа ету қылмыс… ”, — де­ген екен Бер­нард Шоу. Тек оқу, күш — қуатыңды ая­мас­тан еңбек ету ке­рек, сон­да ғана ойлаған арманға же­ту­ге бо­ла­ды.

Кез кел­ген азаматтың өмірге қойған айқын мақсаты мен ар­ма­ны бо­ла­ды. Себебі ар­ман мен мақсат болашаққа жетелейді. Ата-бабабаларымыздың аңсап,  тәуелсіздік жо­лын­да күрескен ар­ма­ны орын­дал­ды-ау.

Қазақстан үшін, қазақ халқы үшін тәуелсіздік ас­пан­нан түскен сый емес еді. Халқымыз бостандықты аңсап, Тәуелсіздікке зарығып жетті. Тәуелсіздік жо­лын­да еліміз аз қиыншылық көрген жоқ. Халқымыздың бостандыққа ұмтылысының және өшпес қайсар рухының  арқасында тәуелсіздікке қол жеткіздік. Бұл күнге дейін жет­кен ұмытылмас оқиғалар – ел бостандығын қорғау соғыстары мен ұлт-азаттық көтерілістердің та­ри­хы­мыз­да өшпес өнеге, өлмес мұра ретінде сақталатыны рас. Елдің біртұтастығы мен тыныштығын сақтауға хан-сұлтандар, ба­тыр­лар, қарапайым халықтың өзі де жан­да­рын пи­да ет­кен. Тәуелсіздік де­ген ұлы жеңіске қол жеткізуде әлі де жаңғырып тұрған кешегі Желтоқсанның да септігі аз болған жоқ – сту­дент жастардың көшеге шығып үндеуі және егемендік үшін за­рдап ше­гу­ге дай­ын екендігін көрсете білуі бар­ша халыққа сенім мен жігер бер­ген бо­ла­тын. Со­ны­мен, жастардың  ой­ла­рын тыңдасақ:

Бақтықожа Орыс­ба­ев:- Сан  ғасырлар бойы армандаған би­ыл  тәуелсіздігімізге 20 жыл толмақшы. Та­рих та­ра­зы­сы­нан өлшесек бұл аз да емес, көп те емес. Кез-кел­ген жалындаған аза­мат жи­ыр­ма жас­та қалыптасады. 20 жасқа дейін негізгі ор­та мектепті аяқтап, жоғары оқу ор­ны­на түседі. Елін, жерін, от­ба­сын ой­лай­тын аза­мат бо­лып жетіледі. Біз өмірге тәуелсіздік алғаннан кейін келдік. Қазіргі уақытта жастарға барлық жағдай жасалған. Жастарға  берілген мүмкіндікті пай­да­ла­нып, оқып, білім алу­ы­мыз ке­рек. Тәуелсіздікті арқасында та­лай жетістікке жеттік. Ел­ба­сы­мыз Нұрсұлтан Назарбаевтың  салиқалы саясатының арқасында  Қазақстан ат­ты ел бүкіл ше­тел­ге та­ныл­ды. Тіпті болашақта Қытай, Аме­ри­ка, Ре­сей секілді ал­па­у­ыт мем­ле­кет­ке де ай­на­луы мүмкін. Сондықтан тәуелсіздіктің қадірін түсінуіміз ке­рек. Қолдағы бар ал­тын­ды бағалауымыз қажет. Ендігі ке­зек­те қазақ қазақпен қазақша сөйлесіп, бірлікте, татулықта өмір сүруі қажет. Сон­да ғана біздерді ешқандай жау ала ал­май­ды. Болашақтағы ар­ма­ным әкім бо­лып, халықыма қызмет ету.

Сай­ра Юсу­по­ва:- Мен тәуелсіздікке бер­ген­нен қарағанда, тәуелсіздік маған көп нәрсе берді. Ең ба­с­ты­сы  ата — анам мені бейбітшілік за­ман­да дүниеге әкелді. Мен тәуелсіздіктің жарқыраған таңында жарық дүниенің еісігін ашқаным үшін бақытты ұрпақ екенімді түсінемін. Аллаға шүкір, бүгінгі таңда біз не ішеміз, не киеміз, қайда ба­ра­мыз деп бас қатырмаймыз. Өйткені демократиялық қоғамда барлық жағдай жа­са­лып отыр. Осы­дан бірнеше ғасыр бұрын   Қозыбасы та­уы мен Шу өзені аралығында Ке­рей мен Жәнібек хан­дар бастаған үш жүздің тай­па­ла­ры өз хандықтарын құрып, та­рих сах­на­сын­да «қазақ» де­ген атау пай­да бол­ды. Ал­тай мен Аты­ра­у­ды, кең байтақ Сарыарқаны ме­кен ет­кен, қаны бір түркі тай­па­ла­ры бір-біріне тез үйреніп, ар мен на­мы­с­ты алға қойған халық бол­ды. Осы за­ман­нан бас­тап халқымыз та­лай жаугершілік соғыс күндерін бас­тан кеш­кен. Со­нау Тәуке ханның тұсында шығыстан ан­та­лап жоңғарлар, оңтүстіктен өзбек, қарақалпақ , солтүстік ба­тыс­тан башқұрттар, солтүстіктен Сібір ка­з­ак­та­ры ты­ныш жатқан халыққа күндіз күлкі, түнде ұйқы бер­ме­ген. Ел ара­сын­да Бөгенбай, Қабанбай, Жәнібек, Жауғашар, Қарасай сияқты ба­тыр тұлғалар ел ба­сы­на күн туғанда қалың қолын бас­тап, бейбіт өмір  жо­лын­да үлкен рөл атқарған.

Арай­лым Ка­ри­мо­ва:-Иә, Сай­ра сенің айтқан пікіріне  қосыламын. Бертін ке­ле XVIII ғасырда Ұлы империяға тәуелді бо­луы да халқымызға қиыншылықтан көз аш­тыр­ма­ды. Халықты қорғаймын деп өзіне бағынышты ет­кен империяның малдың ізінде жүріп көшпелі өмір сал­тын ұстанған, мо­мын халыққа көрсеткен қиындықтары да аз емес еді. Алай­да қазақ ты­ныш жатқан мо­мын халық болғанымен, бір-екі ша­лыс басқан қадамыңды кешірер-ау, бірақ тағы қайталап ша­мы­на ти­ер болсаң қылыштай ша­у­ып түсірер ай­ба­ты да жетерлік. Со­нау сақ за­ма­ны­нан қанына сіңген осы қасиеті халқымыздың тәуелсіздікке де­ген қадамына жол аш­ты. Осы кез­ден бас­тап ата-ба­ба­ла­ры­мыз егеменді ел бо­лу­ды аңсап, ұрпақтарының ешкімге тәуелсіз мем­ле­кет­те ту­ып, бейбіт өмір кеш­се екен деп ар­ман­дап кет­кен. Бірнеше жыл­дар бойы өзге ел­ге тәуелді болған еліміз қаншама қиындықты ба­сы­нан өткізді. Тәуелсіздік бізше еркіндігімен қымбат. Би­ыл менің қатарластарым ал­тын ұя мектебімен қоштасып, үлкен өмірге қадам ба­са­ды.  Ал­ды­мыз­да сан та­рау жол мен өткел тұр. Біздердің деніміз сау, білімді  болсақ, барлық қамалды бұзып, биік мақсатқа же­те ала­мыз. Кәсіби заңгер  ма­ман иесі бо­лып, елімізде жемқорлыпен күресіп, қоғамда ақиқатты айтқым келеді

Айсұлу Нұрланқызы: Сай­ра сенің ой­ын­ды әрі қарай жалғастырғым келіп отыр. Біз небәрі жи­ыр­ма жастағы жас мем­ле­кет болсақтағы осы 20 жыл ішінде Азияның жол­ба­рыс­та­ры, Еуроодақ елдері, әлемнің дамыған азу­лы, ал­па­у­ыт елдері там­са­нып, қызыға қарайтындай біраз  ізгі істер атқардық. Әрине, әлемге Қазақстанды бейбітшілікті сүйетін ел ретінде танытқан, елімде Тәуелсіздіктің ту­ын желбіреткен ел бастаған, ел қостаған, ел қалаған ел­ба­сы Н.Ә.Назарбаевтың арқасында мұндай ауыз тол­ты­рып айтарлықтай жетістіктерге жеттік. Олардың қатарына Еуропадағы Қауіпсіздік және Ынтымақтастық Ұйымына төрешілік етуіміз, Ис­лам кон­фе­рен­ци­я­сы Ұйымын басқаруымыз, Шан­хай Ынтымақтастық Ұйымында көрсетіп жатқан белсенділігіміз, Ал­ма­ты мен Ас­та­на қалаларымызда өткен 7 Қысқы Азия ойындарының бізде өтіп,   біздің жерлестеріміздің жет­кен ай­ту­лы жетістіктері. Мұның бәрі-бәрі бір күндік еңбектің емес, ай­лап, жыл­дап тер төккеннің, тал­май, тыңбай ,тек алға қарағанның ғана жемісі деп білемін. Бүгінгі бейбіт қоғамда өмір  алаңсыз өмір сүріп жатқанымыз киелі тәуелсіздігімізге  па­рыз­быз. «Чем­пи­он бо­лу қиын, ал оны сақтап қалу одан  да қиын» демекші, тәуелсіздік алдық деп қуана бер­мей, ендігі ке­зек­те  бостандықтың қадірін түсініп,  басқа ел­дер­ден қорғауымыз ке­рек.

Ер­бо­лат Бер­дау­ле­тов:- Жоғарыда сы­нып­тас­та­рым тәуелсіздікке еліміздің  қалай жеткенін ай­тып жа­тыр. Ал мен бол­сам өзім он бір жыл бойы білім алған ал­тын ұям мектебімнің жетістіктерін айтқым келеді. Осы­дан он үш жыл бұрын №6 ор­та мек­теп орыс қазақ ара­лас мек­теп бол­ды. Кейінен қазақ мектебі бо­лып ауы­с­ты­рыл­ды. Қазіргі таңда ана тілімде білім алып жатқаныма мақтанамын. Осы рет­те ұстаздар қауымына барлық  биылғы мек­теп бітірушілердің аты­нан  рахметімді ай­та­мын. Әсіресе, Дариға Ани­со­ва, Са­ра Са­те­но­ва, Әбдікәрім Аты­ра­уов, Гүлзада Қайнарбаева, Ай­ме­кен Балмағанбетова, Зей­нап Бек­жа­но­ва секілді ұстаздарға ерек­ше алғыс білдіреміз.

Талғат Қамысбаев:-Иә, ра­сын­да да тәуелсіздік бізге Отан, Жер, Тіл, Еркіндік берді.. Жақында Орал­хан Бөкей көркемсөз оқу қалалық сай­ы­сын­да бірінші орын­ды жеңіп ал­дым. Енді республикалық байқауға ат­та­нып ба­ра жа­тыр­мын. Жас­тай­мы­нан  өнерді сүйемін.  Қазақ тілі мен әдебиеті пәнін қызығып оқимын. Ке­ле­шек­те өнер жо­лын таңдап, ше­тел­ге қазақ өнері арқылы танытқым келеді. Қасиетті Тәуелсіздік арқылы ту­ы­мыз бекітілді. әнұранмызы шырқалды. Ари­не ай­та бер­сек тәуелсіздіктің бізге бергені көп, қайта керісінше біз аз бер­ген сияқтымыз. Алай­да біз әлі жас­пыз, сондықтан алдағы уақытта еліміздің да­му­ы­на үлес қосамыз. Елімізді көркейту үшін аян­бай еңбек етеміз. Туған өлкеміздің кең байтақ Қазақстан екенін ес біліп, мек­теп табалдырығын аттаған сәттен- ақ  зердемізге түйіп, санамызға сіңіріп ке­ле жатқан ұрпақпыз. Халқымыздың жағдайын бүгіннен бас­тап ой­ла­ну­ы­мыз қажет. Біздер -егеменді еліміздің тізгінін ұстайтын жас­тар­мыз. Ел­ге, халыққа қызмет етіп, ке­ле­шек ұрпақтарымызға үлгі болғымыз кел­се, біздер әуелі өзіміз са­на­лы да тәрбиелі, білімді де жігерлі бо­лу­ы­мыз ке­рек. Сон­да ғана біз шын мәнінде нағыз жаңашыр аза­мат бо­ла ала­мыз. Қазіргі жастардың көбі жоғары білімді. Олар негізгі бағыттарын дінге, мәдениетке бұрып жа­тыр. Сондықтан жастарға өздерін нащақорлықтан, маскүнемдіктен бой­ла­рын аулақ ұстағандары дұрыс деп ой­лай­мын. Ел бо­лып, еңсеміз биік бол­сын де­сек, әуелі өз от­ба­сы­мыз­дан тәлім тәрбие алғанымыз жөн. «Менің елім, менің тағдырым»- деп ой­лай­тын әрбір аза­мат елінің болашақтағы тағдырын бүгіннен ой­ла­уы қажет. Себебі, біздер жас­тар егеменді еліміздің ертеңгі күні, болашақ тағдыры өзіміздің қолымызда екендігін ұмытпалық. Мәртебең асқақ, бақытың мәңгілік бол­сын деймін, туған елім.

Дариға Ани­со­ва  қазақ тілі мен әдебиеті пәнінің мұғалімі:- Қазақстанның әлемдегі ба­рын­ша дамыған 50 мемлекеттің қатарына кіру жөніндегі барлық ой­лар мен жос­пар­лар­ды қисынды қорытындысына жеткізетін де жас­тар болмақ. Жастардың білімдері, күш-жігерлері мен еңбектері күшті де өркенді Қазақстанды орнатуға жұмыс істейтініне сенімім мол. Еркін ел­де өскен ұрпақтың ру­хы әрдайым биік бо­луы тиіс. Жас­та­ры жа­лын жүректі, өршіл на­мы­с­ты, биік рух­ты бол­са – ол елдің еңсесі де биік бо­ла­ды. Өршіл, на­мыс­шыл жас отан­шыл пат­ри­от келеді, халқына, өз ұлтына адал қызмет ету­ге ұмтылады. Мен қазақ тілі мен әдебиетінен сабақ беремін. Әр сабағымызда міндетті түрде тәуелсіздік ту­ра­лы ай­тып өтеміз. Ұстаз ретінде  ұлтжанды, елім деп еңіреп тұрған жас­тар­ды тәрбиелеу міндетіміз. Бүгінгі оқушылардың  пікірталасқа қатысып, ой­ла­рын еркін білдіріп отырғанның өзі тәуелсіздіктің арқасы. Кеңес Үкіметі кезінде «менің елім қазақ» деп ай­та ал­май­тын едік.  Ұстаздар қауымы тәуелсіздікке озық ой­лы жас­тар­ды тәрбиелеп бе­ру­де. Мен де, Мағжан Жұмабаев секілді, жастарға сенемін.

P.S. Қалың елім қазағымның жа­на­рын­да жа­нып тұрған оты бар жа­лын­ды, жігерлі жас­та­ры! Отан сүю — әрбір ет — жүрегі, қан — та­мы­ры қазақ деп соғатын қазақжанды, ел­жан­ды, ұлтжанды ұландардың баға жет­пес бо­ры­шы. Сондықтан, па­рыз­да­ры­мыз­ды асқақ абы­рой­мен, аса адал орын­дау арқылы ұлтымыздың іргетасын бірге нық тұрғызайық. Еңселі еліміздің ертеңі сендердің қолдарыңда. Қазақстанды биікке жетелеңіздер, жеткізіңіздер. Жарқын болашаққа  қадам ба­сып ке­ле жатқан халқымыз үшін Тәуелсіздігіміз мәңгі жа­сай берсін!.